Цуг халхар шин эв-арһс олзлҗ

Давсн мигмр өдрлә, үкр сарин 7-д, Әрәсән Президент Владимир Путин орн-нутгин залврин Ахлачин дарук Андрей Белоусовла болсн харһлтд технологин туст закана төсв белдлһнә көддлмш яһҗ күцәгдҗәхин тускар күүндвр кев. Эн җилин хөн сард заагдсн чинртә төрәр концепц батлгдла, түүнә ул деер закана төсв күцәгдх.
Тегәд өөрхн иргчд авиацин үүлдврин, көлг тосхлһна, эмнлһнә, йоста биш ухан-сегәнә салврин делгрлт йилһгдх. Тиим закан урднь мана орннутгт батлгдад уга билә. Технологин халхар үлмә уга бәәдл хадһллһна туст эн төсв ик чинр зүүҗәнә гиҗ негдгч вице-премьер заав.
Микроэлектроникиг, җолач уга авиацин системиг, фармацевтикиг, химийин зәрм салвриг делгрүлхин төлә эн төсв ик нилчән күргх. Тер мет йоста биш ухан-сегәнә, күч хоршадг, биотехнологийин, 6G станцин шин үй болн нань чигн шин технологийин төсв өргҗүлгдх.
(полную версию статьи можно посмотреть в бумажной версии выпуска № 122 (18961) 11 ноября 2023 года, СУББОТА)
ТҮРВӘН Һуна