Бумбин орна күңкл дууч

14-11-2023, 10:05 | Общество

Хальмг утх-зокъялын эклцд йовсн бичәчнрин тоод Хальмг улсин бичәч Инҗин Лиҗин нерн болн үүдәврмүд зөвтә орман эзлсн бәәнә. Шидр билгтә эн түүрвәчин, Ока Городовиковин нертә мөрән лауреатын 110 җилин өөнд нерәдсн үүдәгч харһлт болв. Багшнр, оютнр, сурһульчнр эн харһлтд орлцв.

Баһ Дөрвдә нутга Һооҗур селәнд (ода Көтчнрә район) төрсн көвүн уйн настадан өнчрсмн. Бичкдүдиг асрулдг герт эн өссмн. Хальмг улсин шүлгч, Хальмгин бичәчнрин Ниицәнә ахлач Эльдшә Эрднь нертә хальмг бичәчин үүдәгч үүлдврин туск үг келв. Эннь видеозурцин дөңгәр күцәгдв. Калян Санҗ, Эрнҗәнә Константин, Көглтин Даван болн ууһн нань чигн бичәчнрин зергләнд Инҗин Лиҗин нерн йовхинь зааһад, утх-зокъялын делгрлтд Лиҗ Очировичин орулсн тәвцин тускар шүлгч тодрхаһар келв. Намтрлань таньлдулад олн бичәчнрин урн үгин хаалһд Инҗин Лиҗ орулсна тускар келв. Энүнә һарт болн килмҗд билгин хаалһд орсан кишгтә йовдл гиҗ Эрднь тоолна. Хөөннь хамдан «Теегин герл» журналд көдлҗ йовснь дамшлтын сән сурһмҗ болсиг шүлгч тодлв.
(полную версию статьи можно посмотреть в бумажной версии выпуска № 123 (18962) 14 ноября 2023 года, ВТОРНИК)

ХӨӨЧИН Галина

Видео