Селәнә әмтнә кец-таал ясрулхар

16-11-2023, 09:05 | Общество

Шидр Хальмг Таңһчин залврин Ахлач Босхмҗин Гилән Үстин районд көдлмшин кергәр одв. Түрүләд премьер-министр Үст селәнә Г.Б.Бевиновин нертә дунд сурһульд одад, энд кегдсн бат ясвриг үнлв. Сурһулин багшнр күндтә гиичд өдгә цага некврлә ирлцүлҗ кегдсн классмудын хорас үзүлв, энд интерактивн самбрмуд, компьютермүд углҗ тәвгдсн бәәнә, спортивн зал болн хот уудг хора бас шинрүлгдв. Сурһульд 260 сурһульчин төлә орм бәәнә, эндр энд 66 күүкн-көвүн сурчана.

Селәнә сурһулин бәәрнд орань, эрсмүднь, давшур шинрүлгдв, дулаһар тетклһнә, халун болн киитн усар тетклһнә, түүмрәс саглуллһна кергсл шинрүлгдв, электрокүчнә сурвлҗн сольгдв. Бат ясвр кегдснә хөөн сурһульчнрин болн багшнрин төлә сән таал тогтагдв. Сурһулин бүрдәц эн җил «Сурһуль-эрдмин делгрлт» гидг шаңһа көтлврт болн «Хальмг Таңһчд сурһуль-эрдмин халхин сурһулин бүрдәцсин кев-янзиг шинрүллһн» гидг региональн төсвд орлцсна ашт иим ясвр кеҗ болв. Селәнә сурһульд бат ясвр келһнд болн кергсләр тетклһнд ут тоодан 100 сай шаху арслң йилһгдв.
(полную версию статьи можно посмотреть в бумажной версии выпуска № 124 (18963) 16 ноября 2023 года, ЧЕТВЕРГ)

БАТАН Сәәхлә

Видео