Нертә төвин эмчнр дөңгән күргв

21-11-2023, 09:10 | Общество

Әрәсән эрүл-менд харлһна министерствин А.Бакулевин нертә зүркнә-судцна хирургийин Келн-улсин медицинск шинҗллтин төвин эмчнр хойр өдртән мана таңһчд гемтә улсиг хәләһәд, эмнлһнә туст сүв-селвг өгв. Тер мет нертә төвин эмчнр шишлң эмнлһнд месллһ кех улсиг шүүҗ авв. Темдглхәс, орн-нутгин нүүрлгч төвин мергҗлтнр таңһчин эрүл-менд харлһна министерствин седвәрәр тавн җил дарандан таңһчд ирҗ дөңгән күргҗәнә. Эн җилмүдин эргцд миңһн һар күн эмчнрин сүв-селвг авв, гүн шинҗллт кев, 200 күн өөдән чинртә месллһ Москвад кеҗ, күнд гемәс эдгв.

- Мана багин ханьд һурвн кардиохирург болн УЗИ шинҗллт кедг хойр эмч ирв. Бидн хойр өдрин эргцд хойр зун һар кү хәләҗ, эрүл-мендин бәәдлинь шинҗлвидн. Бидн эмнлһнә халхар сүв-селвг өгсн деерән мана төвд зүркнә-судцна месллһ кех улсиг йилһҗ авнавидн.
(полную версию статьи можно посмотреть в бумажной версии выпуска № 126 (18965) 21 ноября 2023 года, ВТОРНИК)

ДООҖАН Наталья
ЗУРГТ: А.Бакулевин нертә төвин эмчнр УЗИ- шинҗллт кеҗәнә

Видео