Евгений Сангаджиевин ачлвр

21-11-2023, 09:45 | Общество

Москвад үкр сарин 13-д үүдәгч үүлдәчнрин төлә соньн керг-үүлдвр болв. Пушкинә нертә театрт VOICE редакцин «Главные лица» гидг мөрәһәр ачллһна байрта үүлдвр күцәгдв. Маднд, хальмгудт эн керг-үүлдвр юуһарн соньн болҗана гихлә, терүнд мана һазра көвүн, актер болн режиссер Евгений Сангаджиев өөдән ачлврар темдглгдв.

2023 җилин күндтә эн мөрә авхин төлә кинон, театрин, көгҗмин, телеүзлин үүлдәчнр, блогермуд болн арһлачнр үүдәврмүдән үзүлсмн. Байрин эн үүлдврт Федор Бондарчук, Яна Рудковская, Филипп Киркоров, Милош Бикович, Егор Крид, Елена Север болн нань чигн нертә артистнр болн сойлын үүлдәчнр орлцв.
VOICE журналын «Главные лица. Режиссура» гидг номинацд режиссер Евгений Сангаджиевин «Балет» гидг фильм һол мөрә авв. Иим өөдән ачлвр авсндан Евгений хамдан көдлсн үүрмүдтән ик ханлтан өргв. «НМГ Студию» болн сурһмҗ өгсн ах үүрмүд ик тәвцән орулсиг Евгений темдглв.
(полную версию статьи можно посмотреть в бумажной версии выпуска № 126 (18965) 21 ноября 2023 года, ВТОРНИК)

ХӨӨЧИН Галина

Видео