Ульяновск балһснд болсн чинртә харһлтс

23-11-2023, 09:00 | Общество

Урҗ өдр Хальмг Таңһчин Толһач Хаска Бату Ульяновск мүҗд көдлмшин халхар одв. Энүнлә хамдан делегацин ханьд таңһчин Залврин Ахлачин негдгч дарук Эрднь Церенов, экономикин болн хулд-гүүлгәнә министр Андрей Чиджиев болн Октябрьск района муниципальн бүрдәцин толһач Басң Убушаев орв. Тенд маши тосхлһна, сурһуль-эрдмин болн спортивн бүрдәцс йовҗ хәләв.

– Арвн зурһатадан каратэ киокушинкай марһанд орлцхар Ульяновск балһснд ирләв. Тиигхд негдгч орм эзләд диилвр бәрсн биләв. Тер цагас авн эн региона тускар даңгин бүләнәр тодлнав, – гиҗ Хаска Бату келв.
Хамгин түрүнд таңһчин делегац көлг кеҗ һарһдг Ульяновск заводт одв.
– Ульяновск мүҗ көлг тосхлһарн темдгтә. Тенд «УАЗ» тамһта маши кеҗ һарһдгиг, «Арго» аца зөөдг машид кеҗ һарһдг әңг, заводын музей күртл үзвидн. Нег машинднь сууһад, тест-драйвд орлцдг арһ бас учрв, гиҗ Бату Сергеевич келв.
(полную версию статьи можно посмотреть в бумажной версии выпуска № 127 (18966) 23 ноября 2023 года, ЧЕТВЕРГ)

КАРСАНА Евгения
Зургт: харһлт болҗах кем

Видео