СВО-д орлцачнрин онц зөв батлв

23-11-2023, 09:05 | Общество

Эн долан хонгин эклцәр Хальмг Таңһчин Улсин Хуралын (Парламентин) һурвдгч сессь болв. Терүнд ут тоодан арвн йисн төр хәләгдв. Сүүриг таңһчин Улсин Хуралын Ахлач Артем Михайлов һардҗ давулв. Сессин көдлмшт Хальмг Таңһчин залврин Ахлач Босхмҗин Гилән, энүнә дарукс, ЮФО-д Әрәсән Президентин күцц зөвтә элчллтин аппаратын федеральн инспектор Александр Беляев, Парламентд Хальмг Таңһчин элч Манҗин Араш, зөв-йос харлһна болн зарһин, федеральн цергллтсин региональн бүрдәцсин элчнр орлцв.

Таңһчин Улсин Хуралын Ахлачин дарук болҗ үүлдҗәсн депутат Байир Путеев Федерацин Хүүвин сенаторт суңһгдсна ашт энүнә ормд талдан кү суңһҗ авх кергтә болсмн. Таңһчин Парламентин спикер Артем Михайлов эн үүлд депутат Бадмин Вячеславиг суңһҗ авх седвәр орулв. Артем Васильевичин темдглсәр, эн ик дааврта, төрскнч седклтә, седвәртә, үгдән күрдг күн болна. Вячеслав Александрович Хальмг ик сурһуль төгсәснә хөөн крестьянск-фермерск эдл-ахун толһач болҗ көдлв, 2020 җилд Ик Буурла района муниципальн бүрдәцин толһачин дарукин үүлд батлгдсмн, хөөннь толһачин үүл даав, таңһчин Улсин Хуралын тавдгч хуралтын депутат бәәсмн. Депутатнр нег дууһарн дөңнәд, Бадмин Вячеславиг вице-спикерин үүлд суңһҗ авв.
(полную версию статьи можно посмотреть в бумажной версии выпуска № 127 (18966) 23 ноября 2023 года, ЧЕТВЕРГ)

БАТАН Сәәхлә

Видео