Экин седкл сәәхн, күчтә, герлтә

25-11-2023, 09:10 | Общество

Маңһдур мана орн-нутгт чинртә болн дурта гисн сән өдрмүдин негнь темдглгдҗәнә. Үкр сарин сүл нарн өдрлә бидн цуһар экин Өдр темдглҗ, мана экнриг болн ээҗнриг йөрәхәр адһнавидн. 1998 җилд Әрәсән түрүн Президент Борис Ельцин эн өдр темдглхин туск зәрлг батлсмн.

Күн болһна җирһлд эк хамгин эңкр болн өөрхн күн болдг. Бичкн цагтан бидн экән дахад өөрнь бәәхәр седнәвидн, өсәд-босхларн сүв-селвгинь авхар адһнавидн. Кеду альвлдг, үгинь соңслго, мууһар сурдг, буру йовдл һарһдг болв чигн эк үрән уурлв чигн өрчдән шахад, геминь тәвнә. Ямр нег зовлң учрхла эктәһән хувалцҗ бүлән үгинь соңсад урмд авнавидн. Экин седкл цевр, энүнә зүркнд үрн болһнь онц орман эзлнә. Үрднь өсәд-босад бийснь эк-эцкнр болсн бийнь эк үрндән зовад, мел ухандан бәрәд, гесндән халун хотта, эрүл-менд йовну угай гиҗ үүмнә. Үрнь төрсн түрүн өдрәс авн һаринь һанзһд, көлинь дөрәд күргҗ эк кедү сө унтл уга, кедү өдр амрл уга бәәсиг кен чигн медшго. Тер төләд альхн деерән мах чанҗ өгв чигн ээҗин ачиг хәрүлҗ болшго гидгнь тер.
(полную версию статьи можно посмотреть в бумажной версии выпуска № 128 (18967) 25 ноября 2023 года, СУББОТА)

ДАВАН Наталья

Видео