Шугран Веран нарта орчлң – бичкдүдт

25-11-2023, 09:45 | Общество

Басңга Баатрин нертә Келн -улсин драматическ театрт Хальмг улсин шүлгч Шугран Вераг күндллһнә асхн болв. Эн театрин тәәз деер 35 җил хооран бичәчин үүдәврәр түрүн наадн тәвгдсмн. Тер цагас авн Шугран Вера театрла үүдәгч залһлда бәрҗ йовна.

Манҗин Аркадьла хамдан үүлдәд, эдн түрүн хальмг рок-опер тәәз деер үзүлсн болдг. «Нис, керм!» гиҗ тернь нерәдгдсн билә.
Театрла нөкцҗ үүлдҗәх җилмүдин туршарт Шугран Веран пьесмудар «Эңкр манахс», «О, Чууче! Чууче!», «Шарка + Барка», «Невеста из Манджикин» гидг болн нань чигн әмтнә оньг тусхасн наадд белдҗ тәвгдв. Бичәчиг күндлсн асхн «Эңкр манахс» гидг наадн үзүлгдв.
Хальмг Таңһчин әмтн Шугран Вераг шүлгч, бичәч, багш, седкүлч, драматург, орчулач болдгинь сән меднә. Эн күндтә бичәч - Хальмг АССР-ин сойлын ачта көдләч, Делгә Эрднин нертә Хальмгин Комсомолын, келн-улсин мөрән лауреат мөн. Хамгин түрүнд Хальмг Таңһчин частр бичсн төләднь әмтн Вера Киргуевнаг күндлнә.
(полную версию статьи можно посмотреть в бумажной версии выпуска № 128 (18967) 25 ноября 2023 года, СУББОТА)

ХӨӨЧИН Галина

Видео