Һәәхүл цаарандан давҗана

28-11-2023, 09:00 | Общество

Москва балһснд ВДНХ-д үкр сарин 4-әс авн көдлмшән эклсн «Әрәсә» нарт-делкән һәәхүлиг өдр болһн олнәмтн ирҗ хәләнә. Хальмг Таңһчин экспозиц олн дунд тааслт олв, гиҗ келх кергтә.

Бар сарин 12-т һәәхүлин йовудт мана таңһчд нерәдсн өдр болхмн. Эн өдриг сәәнәр, байртаһар давулхин төлә соньн шишлң көтлвр белдгдҗәнә.
Темдглхд, Әрәсән регионмудас һәәхүлд ирсн олн элчнриг, зуульчнриг хальмгудын тод бичг йир икәр өврүлв. Кесгнь нерән тод бичгәр бичхиг сурна.
Урднь СССР-ин ханьд ордг олн келн-улсас хальмгуд эврәннь бичлтән эндр күртл хадһлсн цөн улсин тоод орна.
– Эндр дорас өсч йовх баһчуд дунд тод бичгиг тархаҗ, эдниг дасхх кергтә. Өдгә цагт баһчуд хувцндан тод бичгәр бичсн үгмүдиг олар үзгднә. IT-мергҗлтнр эн төриг дөңнҗ, шишлң көтлвриг үүдәхлә сән болх билә. Немхәс, нертә номт Бадмин Андран дегтрәс тод бичгин тускар соньн домгиг умшҗ медүв, гиҗ Хаска Бату келв.

ОЛЬДАН Цаһан

Видео