Хәәртә экнрин ач хәрүлҗ

28-11-2023, 09:15 | Общество

Экин Өдр угтҗ Элстд болсн байрин хургт олн үртә, олна бәәдл-җирһлд шунмһаһар орлцдг, көвүднь цергә даалһвр күцәҗ йовад әмнәсн хаһцсн болн эндр шишлң цергә керг-үүлдврт орлцҗ йовх, күүкдтән чик сурһмҗ өгсн күүкд улсин ач хәрүлҗ өөдән ачлвр бәрүлҗ кесг бүлән үг эднд нерәдв. Байрин хургиг Элст балһсна бичкдүдин билг-эрдмин 1-ч тойгта сурһулин күүкд секәд, экин туск сәәхн ду дуулв. Билгтә бичкдүд дуулсн еңсг сәәхн дун хургт орлцачнрин седкл байсаҗ, нар урһасн болҗ медүлв.

Хальмг Таңһчин залврин Ахлач Босхмҗин Гилән таңһчин Толһач Хаска Батун илгәсн йөрәлин бичгиг олнд соңсхҗ, мана орн-нутгт бичкдүдиг асрҗах өрк-бүлмүдиг дөңнлһнә, нилхд төрлһиг урмдуллһна туст кесг керг-үүлдвр күцәгдҗәхиг темдглв. Сүл тавн җилин эргцд мана таңһчд социальн харслтын цергллтин тоод бәәдг олн үртә өрк-бүлмүдин то күсдундур холванд өсв. Тиигәд, шаңһ батлсн көтлврмүдин болн келн-улсин төсвсин медлд күцәгдҗәх керг-үүлдврмүдин ашт 2018 җилд мана таңһчд 5185 олн үртә өрк-бүл бәәсн болхла, ода теднә то 7358 өрк тогтав. Мана таңһчд бичкдүдиг асрҗах өрк-бүлмүд 20 һар социальн онц зөв олзлна, эн кергт җил болһн 5 җува арслң йилһгднә гиҗ премьер-министр темдглв.
(полную версию статьи можно посмотреть в бумажной версии выпуска № 129 (18968) 28 ноября 2023 года, ВТОРНИК)

ДООҖАН Наталья

Видео