Ик хург угтҗ

30-11-2023, 09:05 | Общество

Хальмг Таңһчин Улсин Хуралын (Парламентин) Ахлач Артем Михайлов шидр Ростовск мүҗин Самбек селәнд секгдсн «Әрәсә бахмҗ үүдәнә» гидг керг-үүлдврт орлцв. «Негдсн Әрәсә» партин XXI чуулһ угтҗ бүрдәгдсн керг-үүлдврт Әрәсән Федерацин Хүүвд Хальмг Таңһчин Улсин Хуралын элч Байир Путеев, Әрәсән Орн-нутгин Хүүвин эрүл-менд харлһна комитетин ахлач Бадм Башанкаев орлцв.

Харһлтыг «Негдсн Әрәсә» партин Генеральн Хүүвин сегләтр Андрей Турчак секв. Хургт мана орн-нутгин ханьд орсн шин субъектсин толһачнр, шишлң цергә керг-үүлдврт орлцачнр, зака үүдәгч бүрдәцсин болн цергә-промышленн хамцулын элчнр, эврә сән дурар үүлддг баһчуд орлцв.
Харһлтд орлцачнр дамшлтарн хувалцҗ, шишлң цергә керг-үүлдврин, регионмудын күцәмҗин тускар күүндв. Эн керг-үүлдврин йовудт босхгдсн төрмүдиг шинҗләд, шиидвр батлҗ партин үүлдврин зурад орулхмн. Партин чуулһ угтҗ дәкәд хойр иим керг-үүлдвр бүрдәгдхмн. Тернь Нижегородск мүҗд бар сарин эклцәр «Әрәсәд иткнәв» болн Москва балһснд «Әрәсән иргч» гиҗ нерәдҗ давулгдхмн.

Мана зәңгч

Видео