Ик сурһулин күцәмҗин тускар

30-11-2023, 09:10 | Общество

Үкр сарин 23-ас авн 25 күртл Әрәсән номин болн ик сурһулин министр Валерий Фальковин һардврт көдлҗәсн комиссь орн-нутгин ик сурһульмудын тооцаг соңсв. «Приоритет-2030» көтлвриг күцәлһнә йовудт эдн ямаран күцәмҗ бәрснә тускар келҗ өгв. Көтлврин мөрә авчах вузмуд болн вузмуд-кандидатнр тер тоод орв. Давсн җилин эргцд эн халхар күцәсн көдлмшин тускар Б.Б.Городовиковин нертә Хальмг ик сурһулин һардач Салан Бадм тооцаһан өгв.

– Ода давҗадг 2023 җилин йовудт Хальмг ик сурһулин һол күсл чиклгдв. Урднь бидн региона даалһвр күцәдг бәәсн болхла, ода шинҗләчнрин үнллһ өгнәвидн, тиигчкәд таңһчин социальнэкономикин делгрлтин һоллгч зөрүллтсиг йилһнәвидн. Тиим кевәр хальмг вузин делгрлтин көтлвр региона һоллгч күслмүдлә залһлдата, тиигчкәд мана номтнрин тоолвр зуг һоллгч бәрмт цаас батлсн кемд бәәтхә, бачм залврин йовудт чигн өргнәр олзлгдна. Хальмг Таңһчин делгрлтин хамгин чинртә зөрүллтәр шинҗллтин үнллһ өгдг региона төвин зөв Хальмг ик сурһульд өггдсн бәәнә. Терүг зааҗадг онц тогтавриг таңһчин залвр батлҗ авла.
(полную версию статьи можно посмотреть в бумажной версии выпуска № 130 (18969) 30 ноября 2023 года, ЧЕТВЕРГ)

ТҮРВӘН Һуна

Видео