Отг-әәмгтән тоомсрта улс

30-01-2024, 13:45 | Общество

Лаганя района әмтн дунд тавн үртә Владимир болн Раиса Саранговихнә өрк-бүл тоомсрта болн күндтә улс болҗ тоолгдна. Эдн өрк-бүлән өндәлһәд, дөчн шаху җилдән хамдан ниитә бәәҗ, күүкдтән чик сурһмҗ өгч, өвкнриннь авъяс хадһлҗ, дорас өсч йовх ачнр-зеенртән килмҗән тусхаҗ йовна. Әмтнлә тевчңгү, төрскнч седклтә, седвәртә улс района бәәдлҗирһлд орлцҗ, олнд үлгүр-үзмҗ болна.

Раиса Денисовна Улан Хол селәнд өсәд-боссмн, тенд баахн цагтан лавкд көдлдг билә. Владимир Сергеевич болхла Каспийск маши кеҗ һарһдг заводын җолач билә, көдлмшин кергәр селәнә лавк орхларн баахн хулдач күүкнлә харһад күүндхләрн цаһан седклднь авлгдсан медв. Тиигәд баһчуд нег-негндән дуран өгәд, седклән медлцәд, өрк-бүлән өндәлһв. Тер цагас авн дөчн җил давв, ода эдн тавн үртә, тавн ач-зеетә болн нег җичтә аав-ээҗ болна. Эн җилмүдин эргцд эдн олна хормад багтҗ, байр-зовлңган әдл хувалцҗ, күүкдән өскәд, көдлмштән үнн кевәр көдлҗ өрк-бүләрн батрв. Раиса Денисовна олн җилин эргцд хулд-гүүлгәнә халхар көдләд, ода ачта амрлһнд һарсн бәәнә. Герин эзн тер кевәрн җолачар көдлҗәнә, эн олн җилдән бәәрн арһлачин болһдг өдмг болн һуйрин зүүтә хот-хол Хар Һазра районур зөөнә.
(полную версию статьи можно посмотреть в бумажной версии выпуска № 9 (18991) 30 января 2024 года, ВТОРНИК)

ДООҖАН Наталья
ЗУРГТ: өнр-өсклң Саранговихнә өрк-бүл Раиса Денисовнан өөнин нәәрт

Видео