Өнчн бичкдүдт патьр хулдҗ авхмн

Өнчн болн эк-эцкнриннь тетквр уга үлдсн бичкдүдиг гер-бүүрәр теткхин төлә Элстд 12 патьр хулдҗ авгдхмн гиҗ зуралгдҗана. Хальмг Таңһчин тосхлтын, көлгн-күчнә болн хаалһин эдл-ахун министерств терүнә төлә марһа зарлсн бәәнә.
Патьрин аһунь кемҗәһәрн баһ гиснь 33 дөрвлҗн метр болх зөвтә. Тер мет патьр сән кец-таалта, ясврта болхмн. Өнчн бичкдүдт һарһгдҗадг патьр санитарн, техническ болн түүмрәс саглуллһна некврмүдлә ирлцх зөвтә. Кемр танд сән таалта болн цуг некврлә ирлцдг патьр бәәдг болхла, эн марһанд орлцад, терүг хулдҗ чадҗанат.
Марһана тускар тодрхаһар медхин төлә 4-03-43, 4-03-67 гидг телефона тойгудар җиңнүлҗ эс гиҗ zhs¬_minstroy08@mail.ru хайгар медҗ болхмн.