Арһлачнрин хург болх

Сегодня, 10:02 | Общество, Таңһчин зәңгс, Зіњг

Маңһдур, хулһн сарин 30-д, Элстд таңһчин арһлачнрин төлә «Следующий ход» гидг керг-үүлдвр болхмн. «Деловая Россия» болн «Опора России» Әрәсән олна бүрдәцсин таңһчд үүлддг әңгүд Сбербанкла хамдан эн хургиг бүрдәҗәнә. Шидр Хальмг Таңһчд арһлачнрин зөв харсдг элч Эрднь-Һәрән Оксана, Сбербанкин Хальмг әңгин һардачин дарук Дмитрий Юзиков, «Опора России» олна бүрдәцин таңһчд үүлддг әңгин ахлач Наталья Зинченко болн «Деловая Россия» бүрдәцин әңгин ахлач Кекешкән Марина седкүлчнрт эн керг-үүлдврин тускар келҗ өгв.
Эрднь-Һәрән Оксанан келсәр, эн хургт таңһчин зака үүдәгч болн күцәгч йосна бүрдәцсин элчнр, арһлачнр орлцхмн. Әрәсән Өмн үзгин регионмудас болн Москва балһснас ирх нертә шинҗләчнр арһлачнрт 2027 җилд орулгдх шинрлтсин тускар цәәлһҗ өгхмн. Тиигәд, алвна заканд орулгдсн шинрлтсин, өдгә цага эв-арһс олзллһна туст эдн арһлачнрин мергҗлт өөдлүлҗ, дамшлтарн хувалцхмн. Ода деерән 100 шаху арһлач эн керг-үүлдврт орлцх санаһан медүлв.
Эн хург арһлачнрт олзта-туста болх гиҗ бүрдәһәчнр нәәлҗәнә.
Мана зәңгч

Видео