Единороссмуд харєлтс кев

«Единая Россия» ВПП-н КРО-н гешўд, региональн парламентин депутатнр селідт кўрід, единороссмудла харєлтс кех шиидвр авв. Эдн «О внесении изменений в статью 26.3 федерального закона «Об общих принципах организации законодательных и исполнительных органов государственной власти субъектов Российской Федерации» болн «Об общих принципах организации местного самоуправления в Российской Федерации» гидг закадын тускар ил кўўндвр кеєід, тедні тоолврмуд медљ авад, положеньсиг біідл-љирєлд шунмєаєар тохрахар седљіні.

Шидр РК-н Улсин Хуралын (Парламентин) Ахлачин дарук, Улсин Хуралд «Единая Россия» ВПП-н КРО-н депутатск фракцин єардач Саглр Бакинова болн депутат Валерий Болдырев Хар Єазра районд одад, хойр ґдрин эргцд тиим харєлтс кев. Эдн Комсомольск, Артезиан, Ачнр, Нарн Худг, Прикумск, Адг болн Сарул селідт депутатск багмудла харєљ кўўндід, эдні сурврмудт тодрха хірў ґгцхів.

Август сарин 26-д региональн парламентин депутатнр Дорљ Кюкеев болн Батор Адучиев Целинн района селідин муниципальн бўрдіцсин депутатнр дунд деер заагдсн тґрір ціілєврин кґдлмш кўців. Парламентин депутат Галина Макаренко Городовиковск района Лазаревск, Пушкинск, Розентальск болн Южненск СМО-дын элчнрлі кўўндв. Депутат Сергей Басангов болхла Сарпинск района Обильное, Садовое, Уманцево, Кануково, Салын Тугтн, Кировск селідт одад, бас нірн тґрір ик кґдлмш кўців.

Хальмг Тањєчин Улсин Хуралын (Парламентин) Ахлачин дарук Хоњєр Эльбиков Лаганск районд кесг харєлт кеєід, депутатнрт ціілєвр ґгсн деерін імтні тґрмўд хаєллєнд орлцв. Мана парламентин вице-спикер Лагань балєснд болсн педагогическ конференцд чигн орлцад, багшнрин тґрмўд медљ авв.