Иньгллтиг батлсн байр

«Пентатоника» фестиваль Хальмгин сойлын љирєлд зґвті орман олсинь Государственн концертн залд сентябрин 5-д, 6 –д, 7-д, фестивалин концертмўдт ирсн улс медљ авв. Моњєл келтнрин ґдгі цага кґгљмин нарт-делкін фестиваль Элстд зурєадгч кемдін болљ, Моњєлын, Бурятин, Хальмгин композитормудыг цуглулв.

Сентябрин 7-д фестиваль байрин біідлд кґдлмшін тґгсів. Сойлын министр Амуланга Учурова келсір, Фестиваль Ірісін сойлын љирєлд темдгті орман олљ, иньгллтин ўўлдврін кўціљіні. Фестиваль зурєан љил хооран эклљ ўўлдсмн. Тиигхд кесгнь эн керг кўцімљті болх гиљ санљасн уга. Болв Аркадий Манджиевин седвір сін йовудта біісинь љирєл медўлв. Фестиваль љил ирвіс кўч авад, олн дунд темдгті болв. Ірісін кґгљмин кемљінд эн фестиваль єанцхн иим чинрті керг-ўўлдвр болљана.

Фестивалин концертн программд бурятск композитор Б. Дондоковин, хальмг композитормуд Аркадий Манджиевин, Гиляна Манджиеван, моњєл композитормуд Ц. Эрдэнэбатин , Г. Товшинторин, Ш. Олзибаярин кґгљмин ўўдіврмўд орв. Эн фестивалин нег ончнь моњл келтнрин нерті кґгљмчнрин ўўдіврмўдиг сергіљ олнд соњсхлєн. Иигід фестивалин йовудт хальмг тўрўн профессиональн композитор П. Чонкушовин,бурятск композитор А. Андреевин, моњєл композитор Б. Шаравин ўўдіврмўдиг імтн оньган ґгч соњсв. Фестивалин кўндті гиичнр дунд Петр Чонкушовин аваль Любовь Георгиевна Чонкушова орлцв.

«Пентатоника» шин нердиг чигн олна оньгт тусхана. Моњєлын дууч, нарт-делкін болн Цугірісін олн хіліврмўдин лауреат Бадрыл дуулљ імтнд сергмљ ўўдів. Келн-услин оркестрин ах дирижер Савр Катаев кґгљмин тўрўн ўўдіврлірн олн улсиг таньлдулв. Хальмг домбрин болн симфоническ оркестрин тґлі бичсн концерт ик тааслт олв. Домбр цокснь тањєчин ачта артист Арслан Шавгуров. А. Цебековин нерті Государственн хорин дуулсн ўўдіврмўдиг ах хормейстер болљ Наталья Дукманова тўрўн болљ эн тііз деер белдв. Фестиваль тиим олн шин тоотд хаалєинь секв. Цуг терўні тускар дарани єарцдан тодрхаєар бичхвидн.

Фестивальд орлцсн цуг композитормудт болн художественн коллективст сойлын министр А. Учурова дипломс болн министерствин Ханлтын бичгўд бірўлљ ґгв.

Сойлын љилд болљахинь темдглід, Амуланг Алексеевна симфоническ оркестрин кесг артистнрт ґґдін ачлвринь бірўлљ ґгв. Хальмг Тањєчин Толєачин зірлгір В. Арутюнов, А. Серова, нань чигн артистнр тањєчин ачта артистнрин нериг зўўв. Правительствин Кўндллєні єашгудар чигн кесг артист мґрілгдв.

Моњєл келтнрин залєлдаг батлсн фестиваль кўцімљті болв.