Келн - улсин авъяс - седклін геех зґв угавидн

Хальмг болн талдан келн-улсин тґрскн кел, мойл хадєллєна тўрмґдт академик Геннадий Волковин нерті XI номин умшлєн нерідгдлв. Элстд, правительствин герин конференц -залд октябрин 31-д эн болв. «Уга болљах олн кел хадєллєна кергт дґњ болх педагогическ эВ-арєин тускар» гидг тґрір номтнр болн багшнр, олна организацсин элчнр энд тоолврарн хувалцв.

Конференцд Москваєас, Волгоградас, Якутяс, Чувашияс, Дагестанас болн нань чигн регионмудас ирсн номтнр орлцв. Эдні селвлціг нўр ўгір сурєуль - эрдмин министр Николай Манцаев секв. Этнопедагогикин халхар академик Волковин бичсн кесг шинљллтс делкід ґргір темдгті. Эндр Геннадий Никандрович 87 нас зўўх біісмн. Эндрк селвлцінд номтнр Ірісін Федерацин кесг улсин келн ямаран таалд хадєлгдљахин тускар тодрха кўўндвр кељ, тедниг цааранднь делгрўллєні тускар сўв-селвгірн хувалцљ академик Волковин кергинь кўцілєнд тівцін орулхнь лавта. Делкін цуг келн хадєлгдх зґвті, яєад гихлі келн болєн делкін сойлыг байљулљана, гиљ министр темдглв.

Дарунь Хальмг Тањєчин Толєач Алексей Орловин йґрілин бичгиг министр Н.Манцаев умшљ ґгв. Эвріннь ўўлдвртін академик Волков ик оньган этнопедагогическ экспедицс келєнд, Ірісін келн - улсин сойлын зґґриг шинљллєнд єол оньган ґгчісмн. Ірісін келн-улсин кел хадєллєна тґриг конференцд хіліљіні, тернь эндр ґдр ик чинр зўўљіні. Кемр келн уга болхла келн -улс чигн біідгін уурх. Тегід тґрскн келн мана эндрк біідл-љирєлд зґвті кўндті орман эзлх зґвті, гиљ йґрілин бичгт келгдв.

Тањєчин Улсин Хуралын (Парламентин) Ахлач Анатолий Козачкон бичгиг терўні дарук Хонгр Эльбиков олнд соњсхљ умшв. Эн номин форумд ирснднь кўндті гиичнрт ик ханлтан эн ґргв. Олн келиг хадєллєн – мана єол тґр. Тадн, номтнр болн багшнр, эн кергт ик тівцін орулљанат, гиљ йґрілд келгдв.

Хальмг кел делгрўллєні халхар ямаран ўўлдвр кўцігдљіхин тускар сурєуль - эрдмин министрин дарук Раиса Дякиева тодрхаєар келљ ґгв. Орс келні ўлмін ґсід бііні, тиим таалд тґрскн кел дасхлєна кергт бає биш кўчр-кўнд йовдл харш болна. Ода єаза, гертін чигн хальмгуд хальмгаєар келхш, ачнрнь ээљ-аавин келсинь медхш.

Тиим таалд чигн багшнр кўўкдт бат сін медрл ґгхір шунна, энўні тґлі шин учебникўд барлгдна, методикин шин эв-арє олзлгдна. Ода тањєчд біідг цуг келн-улсин сурєульчнр хальмг кел дасдг болв. Титульн биш келн - улсин сурєульчнр хальмг келні олимпиадт орлцљ нўўрлгч орм эзлні. Эдні ўлгўр хальмг кўўкдиг бас урмдулна.

Тањєчин єардврин, государствин халхас эн туст бас кесг керг-ўўлдвр кўцігдљіні. Тернь аштнь тґрскн кел хадєллєнд сін нилчін кўргх гиљ ніілљ болљана гиљ министрин дарук темдглв.

Мана тањєчд болн Хальмг госуниверситетд академик Волковин кўцісн ўўлдврин тускар «Калмыцкая осень академика Волкова» гидг дегтр барас єарв. Тер дегтрин єол учр- утхин тускар КГУ- н багш Эдуард Сокальский тордахаєар келљ ґгв. Гўн медрл энўг йилєљісмн, хальмг улсин тууљиг болн сойлыг эн сіінір медљісмн. Хальмг болн чуваш улсиг кезіні хамцу кесг керг болн нґкцлт негдўлљісмн, хґґннь тер таалнь сольгдад, эдн тал -талдан тууљин хаалєар йовсмн гиљ Волков келљісмн гиљ докладчик темдглв.

Келн -улс болєн эвріннь йиртмљлі, сойлла ямаран бат кевір залєлдата бііхинь Якутяс ирсн номт, социологическ номин доктор, Ар-Дорд федеральн университетин профессор Ульяна Винокурова соньнар келљ ґгв. Тиим бат залєлдан біісні ашт мана ґвкнр Сиврин тууврас хірў тґрскн єазртан ирсмн. Келн - улс тегід эвріннь єазртан, эвріннь йиртмљлі залєлдата болљ бііх йоста.

Тер тоотар ул- сўўр кељ келн- улс болєн тууљан, сойлан болн келін хадєлх зґвті. Талдан ик келн-улсин ўлмід орад керг уга,эвріннь кел делгрўллєні таалан ґргљўлід бііхмн, тиигхлі кўцімљд кўрч болљана гиљ профессор темдглв.

Конференцин йовудт номтнр цааранднь єурвн секцір кўўндврін кеєід тоолврарн хувалцв. Тер тоод тґрскн келні методикиг делгрўллєні, глобализацин таалд психолого- педагогическ тґрмўд хаєллєна болн региональн учебникўдин учр- утхиг ясруллєна тускар онц кўўндвр болв. Конференцин хґґн номтнр пресс-конференц ґгв. Конференцд КГУ - н номтнр, школмудын хальмг келні багшнр, садмудын сурємљлачнр, олна организацсин элчнр орлцв.

Тўрвін Єуна