#БиднХамдан. Би гисн негн, бидн гисн – олн

28-04-2020, 22:10 | Общество, Эндрк ґдрин тґрір

Ик кезініс нааран хальмг улс кўнд цагла нег-негін дґњнљ, байр-зовлњган ідл хувалцљ нииті біідг йоста. Коронавирус гидг хальдврта гем тўгід, мана эрўл-мендд ик іімшг учрасн цагас авн бидн арє-чидлін негдўлљ, тату-тартг болн бає теткврті імтнд, медітнрт болн шалтгта улст хамгин тўрўнд килмљін тусхаљ эднд дґњ-тусан кўргхір шуннавидн. Ірісід #БиднХамдан гидг керг-ўўлдвр бўрдігдсн бііні. Сін дурар ўўлддг улс эн керг-ўўлдврт орлцљ, ах ўйин болн гемті- шалтгта улсин љирєлд орлцљ, эднд эм, хот-хол хулдљ авч, жилищн-коммунальн туслмљин мґњгинь ґгч, нань чигн тґрмўдинь хаєлхд нилчін кўргљіні. Мана тањєчд эн Цугірісін керг-ўўлдврин региональн штаб ўўлдљ, мињєн єар кўўнд дґњ болв. Эн штабин єардач Алена Ханаевала бидн кўўндід, ўўлдвриннь тускар келљ ґгхиг сурвидн.
- Эндр мана тањєчд #БиднХамдан гидг кергт 200 шаху кўн сін дурар орлцљана, энтн олн зўсн халхд кґдлљіх улс болна, эдн дунд оютнр, багшнр, номтнр, кинорежиссер чигн бііні. Эдн дунд баєчуд чигн, идр наста чигн імтн бііні, цуєар эдн талдан улст эн кўнд цагла дґњгін кўргљ, килмљін тусхаљ ўўлдх санаєан медўлв. Келхд, урднь мана тањєчд 4 мињєн єар кўн волонтермудын тоод біісн болхла, эн гем тўгід імтн олар гемтдг болснас авн сін дурар ўўлддг улсин зерглінд 5300 кўн орв. Тер тоод буйнч кергўдин сањгуд, демін кўргдг улс, маднла хамцу ўўлдљіх организацс орна. Эн долан хонгин эклцір кесн то-дигір манаєур 1060 кўн эрлєін орулљ, дґњ кўргхиг сурв. Кўн болєна сурвриг бидн оньгтан авч, тґртнь
орлцнавидн. Мана штаб Хальмг Тањєчин ОНФ-н іњглі болн «Медикўд-волонтермуд» гидг ниицінлі хамцу ўўлдљіні,- гиљ Алена Михайловна келв.
Эн керг-ўўлдвр бўрдігдхд медіті болн гемті-шалтгта улст хот-хол, эм хулдљ авхд дґњ болхин тускар зуралљасн болхла ґґннь буйнч седклті імтні демір хот-хоолар теткдг болв. Арєлач Сањєљин Дмитрий штабин ўўлдврт тўрўн демін кўргід, 300 мињєн арслњ йилєсн билі. Тер мґњгір олн зўсн тґрмўд хаєлгдв, сін дурар ўўлдљіх улсиг халун хотар теткдг болв. Шумилині Александр эврі біір йилєљ ґгв, нерті боксер Малахбекі Раимкуль 3 мињєн маск ґгўлв, арєлачнр Поваевихн 100 мињєн арслњга дем ґгв. Шидр Ирландь орн-нутгт біідг мана нег єазра кўн Бўўрчин Чињєс 50 мињєн арслњ йилєід, љирєлин кўнд таалд туссн улст хот-хол хулдљ ґгтн гиљ сурв. «Дари добро» гидг сањ олн зўсн хот-хол йилєсн билі, терўг 60 кўўнд хуваљ ґгв. Тањєчин дунд медицинск кґдлічнрин ниицін антисептик йилєв. Арєлач Дорљин Мария ґдр болєн єуйрин зўўті хот-хол йилєні, «Домг» ресторана эзн Тостан Байрта ґдр болєн 20 киил бґґрг бас ґгні, терўгинь бає теткврті болн єанцарн біідг улст тўгіљ ґгні. Эн кўнд цагла імтн талдан улсин тускар ухалљ сана зовна, чадсарн демін кўргљіхнь бахмљта йовдл болљана.
Алена Ханаеван келсір, сін дурар ўўлддг улс цуєар ґњгір кґдлљіні. Эдн эвріннь сін дурар талдан імтнд дґњгін кўргх санаєан медўлід, сул цагтан олнд туста керг кўціљіні. Эдн ґдр болєн 10 часас авн асхн ора кўртл кґдлід, кўн болєнд кўрхір шунна. Ґґрхн иргчдін энд психологическ дґњ кўрглєнітуслмљ кўргх чигн биз. Хальмг Тањєчар ўўлддг МЧС-ин заллтын психологическ цергллтин кґдлічнрлі эн туслмљ кўрглєні тускар ўгцсн бііні.
«Іімшгті болн хальдврта гем тўгљіх цагла бидн хамдан ўўлдљ, єанцарн біідг медітнрт болн эрмдгті улст бўлін ўгірн урмд ґгч, хот-хоолар дґњ кўргљ ўўлдљінівидн. Цаєан болн ґр-ґвч седклті улс маднд дунд олн бііні, цугтаднь ханлтан ґргљінівидн. Бидн гисн –олн гиљ хальмг ўлгўрт келгддгір, олна кўчір бидн эн кўнд цагиг давхвидн»,- гиљ Алена Михайловна товчлљ келв.

ДООЉАН Наталья

#БиднХамдан. Би гисн негн, бидн гисн – олн

#БиднХамдан. Би гисн негн, бидн гисн – олн

Видео