Хаалһс болн тагтс ясгдх

24-11-2020, 15:36 | Таңһчин зәңгс » Хальмг Тањєчин Толєачин ґдр-бўр

Хальмг Таңһчин Толһач Хаска Бату Әрәсән көлгн-күчнә министрин дарук-Росавтодорин һардач Андрей Костюкла харһв. Хаалһин җисәнд әәмшг уга бәәдл тетклһнә, тагтсин ясвр келһнә болн Хальмгин хаалһин эдл-ахуг делгрүллһнә төрмүд эн харһлтд босхгдв.
– Хаалһин җисәнә әәмшг уга бәәдлиг ясруллһна төлә таңһчд бәәдг хаалһсин капитальн ясвр келһнә тускар күүндвидн. Тиигәд хаалһиг икдүллһнә, терүгәр дөрвн көлгн зерглҗ йовлһна болн тал дундаһурнь терүг шишлң темдгәр йилһлһнә төр хәләгдв. 2025-ч җил күртл тиим 23 участкд ясвр келһн зуралгдҗана. Болв теднә то эрк биш икдх. Тер мет эн төр хаһлгдхла таңһчар давҗадг хаалһсин чинр өөдлхнь маһд уга. Сән чинртә болн әәмшг уга хаалһс таңһчин экономик делгрүллһнд туслх. Эн төсв күцәлһнә йовудт бидн шин көдлмшч ормс бүрдәх санатавидн, – гиҗ Бату Сергеевич темдглв.
Харһлтд чинртә төрәр болсн күүндврт Андрей Костюк таңһчд тагтсин ясвр болн реконструкц келһиг дөңнв. «Мана таңһчд бәәдг тагтсин ясвр келһнә тускар күүндвидн. Ода деерән Хальмгт 25 тагт бәәнә. Теднә ик зунь тосхгдад эдлврт орулгдснас авн ясгдад уга. Таңһчд бәәдг тагтсин то-диг тогтаһад, «Мосты и путепроводы» гидг төсвд тедниг орулхин тускар үгцвидн», – гиҗ таңһчин Толһач келв.

Мана зәңгч

Хаалһс болн тагтс ясгдх

Видео