Таңһчин делгрлтд тәвцән орулв

Хальмг Таңһчин Толһачин зәрлгәс иштә Ик Буурла болн Лаганя райодын әмтнә социальн харслтын төвин һардачнр Бадмин Зинаида болн Увшан Валентина, Приютна района әмтнә социальн теткврин комплексн төвин һардач Хитрикован Людмила болн Элст балһсна әмтиг көдлмшәр тетклһнә төвин һардач Конока Ирина «Хальмг Таңһчин улсин эдл-ахун ачта көдләч» гидг өөдән нер зүүв.
«Бидн Хамдан» гидг Цугәрәсән кергт шунмһаһар орлцҗ дөң-тусан күргсн таңһчин КЦСОН-а һардач Роман Светлана болн эн төвин әңгин һардач Унгарлина Байрта шишлң медаляр ачлгдв. Эдн хотл балһснд бәәдг баһ тетквртә улст, һанцарн бәәдг медәтнрт, олн үртә өрк-бүлмүдт пандемийин цагт дөңгән күргв.
Хальмг Таңһчин социальн делгрлтин министр Өлзәтин Марина эднд өөдән ачлвринь бәрүлҗ өгәд, көдлмштнь күцәмҗ дурдв.
БАТАН Сәәхлә
ЗУРГТ: өөдән ачлвр авсн социальн халхин көдләчнр министр Өлзәтин Маринала хамдан