Тоодг шову харсхар

Шидр мана таңһчур тоодг шову харслһна Нарт-делкән саңгин мергҗлтнр ирв. Саңгин элчнрин тоолврар, көдә һазрт бәәршлдг тоодг шовунд мана таңһчд сән таал бәәнә.
– Хальмгин төлә энтн ик чинр зүүнә, юңгад гихлә бидн мана региониг экологическ зуульчллһна һазрт хүврүлхәр шунҗанавидн, манад тоодг шову асрлһна төв бүрдәгдәд чигн бәәх. Тиим төсв Әрәсән йиртмҗин көрңгин болн экологин министерствин, зуульчллһна, стратегическ седвәрин федеральн агентствсин болн таңһчин инвестицин саңгин экологическ кергт ик тәвц болхмн. Бидн хамдан мана орн-нутгин болн төрскн таңһчин эргндк йиртмҗ харлһна тускар ухалҗанавидн, – гиҗ Хаска Бату келв.