Бүрдәцсиг урмдулх дем

19-01-2023, 20:40 | Общество, Таңһчин зәңгс

Көдлмш уга улсиг көдлмшәр тетксн бүрдәцст шаңһас дөң күргҗ субсидь йилһҗ өглһнә көтлвр эн җил цааранднь күцәгдхмн. Көдлмшт авсн көдләчд җалв өглһнд һарһсн һаруг даңцалһнд эн дем өггднә.

Көдлмш уга улсиг, эн җил бүрдәц эс гиҗ онц арһлач үүлдврән уурулсна ашт көдлмшәсн һарһгдсн әмтиг, мана орн-нутгур нүүҗ ирсн Украинә иргнмүдиг, һуч күрәд уга баһчудыг көдлмшәр тетксн болхла ямр нег бүрдәц шаңһас субсидь авч чадҗана. Терүг авхин төлә бүрдәц әмтиг көдлмшәр тетклһнә цергллтд ирәд, ямаран эрдмәр көдлмшч орм бәәхиг медүлх зөвтә болҗана. Эс гиҗ «Көдлмш Әрәсәд» гидг порталд онц кабинетд орад алс-зәәһин эв-арһар көдләчнриг олҗ болхмн.

БАТАН Наталья

Видео