Шин җилин белг нерәдв

10-01-2023, 22:35 | Общество, Таңһчин зәңгс

«Старость в радость» гидг буйнч седклин саң Хальмг Таңһчин әмтнә социальн теткврин комплексн төвмүдин хәләврт бәәдг медәтнрт болн гемтә-шалтгта улст Шин җилин белг белдв. Социальн көдләчнр ут тоодан 2893 күүнд олн зүсн зер-земш, шикр-балта болн хот-хол гертнь күргҗ өгв.

Хальмг Таңһчин социальн делгрлтин, күч-көлснә болн көдлмшәр тетклһнә министр Өлзәтин Марина келсәр, эн саң мана таңһчд урднь чигн буйнч седклин керг-үүлдврмүд бүрдәсн билә. «Шин җиллә байр белглҗәнәвидн» гидг керг-үүлдвр түрүн болҗ болв, саң социальн туслмҗ авдг медәтнрт болн гемтә-шалтгта улст онц оньг тусхаҗ, күн болһнд белг белдв. Мана медәтнрин нерн деерәс бидн «Старость в радость» гидг буйнч седклин саңгин көдләчнрт ик ханлтан өргҗ, хөв-кишг болн бат эрүл-менд дурдҗанавидн. Эдн буйнта ик керг бүрдәв, гиҗ Марина Петровна темдглв.

Таңһчин социальн делгрлтин министерств болн буйнч седклин саң коронавирусн гем түгҗәх цагла хамцу үүлддг болв. Тер күнд цагла саң таңһчин стационарн социальн бүрдәцсиг хальдврта гемәс сагуллһна кегдлмүдәр, эд-бод кедг эв-арһсар, рецеркулятормудар теткв. Урднь үзгдәд уга әәмшгтә гем учрсн цагт медәтә болн эрмдгтә улс бәәдг социальн бүрдәцст саң ик дөң күргв. Эн саңла хамцу үүлдвр батрад, аштнь нөкцлтин бооцан батлгдв гиҗ министр келв. Тер бооцана медлд стационарн бүрдәцст сән таал тогталһна, материальн-техническ ул батруллһна, саңгин төсвст орлцлһна керг-үүлдврмүд күцәгдхмн.

Мана зәңгч

Видео