Луганск театрин «Ханума»

08-06-2023, 10:05 | Общество

Келн-улсин драматическ театрин тәәз деер мөчн сарин 2-т Луганскас ирсн театр «Ханума» наадан үзүлсмн. «Ик гастрольмуд» гидг Цугәрәсән көтлврин кемҗәнд Павел Луспекаевин нертә Луганск академическ орс драматическ театр Хальмгт ирсн билә.

Әрәсән сойлын министерствин Цугәрәсән концертн-гастрольн зураһар «Росконцерт» тер гастрольмуд бүрдәв.
Луганск театр хальмг хәләһәчнрт «Ханума» гидг наад үзүлв. ЛНР-н улсин артистк, режиссер П. Шкуратова эн наадыг белдҗ тәвсмн.
Соньн эн наадна учр-утхинь әмтн сән меднә. Юнгад гихлә эн наадыг Хальмгин нег театр цагтан бас тәвсн билә. Кезәнә Тифлис балһсна эргнд Авлабар бәәрнд бәәсн эвтә-довта күүкд күн әмтнд худ бәрхднь дөң күргдг бәәҗ. Әмтиг хамцулхдан йир эвтә күүкд күн зөвәр мектә бәәсинь цугтан үзв. Шогта болн сергмҗтә наадн болдгнь хәләһәчнр меднә.
Полина Шкуратова эн дүриг невчк талданар, әмтн терүг хәләҗәһәд, ямаран нег ухан-тоолвр ухандан орулдгар наадыг тәвснь элстин хәләһәчнрин оньг авлв.

ҖИРҺЛИН Кермн

Видео