Зургудын марһанд ончрсн өрк-бүл

Сегодня, 15:07 | Общество, Таңһчин зәңгс, Зіњг

Хальмгин ветеринарн цергллтд байрта йовдл болв. Эн цергллтин көдләчнр хамдан көдлҗәдг үүрән үнн седкләсн йөрәв. Марһанд диилвр бәрсн Сергей Новаковскийин өрк-бүлд эн седклин йөрәлән нерәдв. Эн олн үртә өрк-бүл «Олн үртә өрк-бүл – орн-нутгин улнь» гидг зургудын марһанд орлцад, нүүрт һарсмн.

Сергей Новаковский Көтчнрә района малын эмч болҗ көдлнә. Елена авальтаһан эн ниитә болн олн үртә өрк-бүл тогтаҗ чадв. Сергей көдлмштән йир дурта, кергән сәәнәр кедг өөдән дааврта күн, - гиҗ хамдан көдлҗәдг үүрмүднь келнә. – Көдлмштән дигтә-дарата күн өрк-бүлдән килмҗтә болҗахнь маднд таасгдна. Ик дуртаһар кегдсн зургуднь терүгинь медүлҗәнә».
Келхәс, Көтчнрә районд бас нег олн үртә өрк-бүл бәәнә. Тернь бас мал эмнлһнә халхар көдлҗәдг фельдшер Арслан Павлуев. Марина гергтәһән эн тавн үрндән чик сурһмҗ өгхәр бичкнәсн авн көдлмш кедгиг дасхчана. Җирһлднь туста болх гиҗ эк-эцкнь тоолҗана. Иигәд олн үртә бүлмүд йосндан таңһчин, орн-нутгин йоста түшгнь болҗана.

УШКАНА Сувсн

Видео