Арвн хойр үртә экин өөдән ачлвр

16-11-2023, 09:20 | Общество

Экин Өдр угтҗ Әрәсән Президент Владимир Путин Яшкулин районд бәәдг олн үртә эк Елена Бабенкод «Мать-героиня» гидг өөдән цол зүүлһснә туск байрта зәңг ирв. Эн ачлврар арвн болн терүнәс даву үр һарһсн болн сурһсн күүкд улс ачлгдна. Эн ачлвриг мана орн-нутгт 2022 җиләс авн дәкн өгдг болв.

Елена Бабенко мана таңһчд эн ачлвр авсн түрүн күүкд күн болв. Энүнә өрк-бүлд арвн хойр үрн бәәнә, зурһан көвүн болн зурһан күүкн. Олн үртә эк-эцк күүкдтән чик сурһмҗ өгч, төрскн һазртан эңкр болдгиг, нег-негндән килмҗән болн дуран тусхаҗ ниитә бәәхиг сурһна. Өнр-өсклң Бабенкон өрк-бүл Яшкуль поселкд бәәнә. Олн үртә эк олна-бәәдлҗирһлд орлцх цаг олна, Елена Анатольевна Яшкулин района күүкд улсин хүүвин гешүн болна.
(полную версию статьи можно посмотреть в бумажной версии выпуска № 124 (18963) 16 ноября 2023 года, ЧЕТВЕРГ)

ДООҖАН Наталья
ЗУРГТ: өнр-өсклң Бабенкон өрк-бүл

Видео