Таңһчин Толһач иргнмүдин сурврмудт хәрү өгв

12-12-2023, 09:22 | Общество

Бар сарин 8-д Хальмг Таңһчин Толһач Хаска Бату «шуд залһлдана» эв-арһар нег һазра улсин сурврмудт хәрү өгв. Тогтсн авъясар, Бату Сергеевич һарчах җилин ашинь диглҗ, ирх җилд күцәгдх зуран тускар келв.

«Шуд залһлдан» хойр час һучн һар минутд болв, энүнә йовудт таңһчин иргнмүдәс 400 шаху сурвр ирв. Нурһлҗдан эннь эрүл-менд харлһна, ЖКХ-н, сурһуль-эрдмин болн селәнә эдл-ахун төрмүдәр сурврмуд болв. Эн тооһас 61 сурврт ЖКХ-н төрмүд босхгдв, гиҗ темдглх кергтә.
Хаска Бату күүндврән шаҗна төрәр эклв. 2025 җилд мана таңһчд шар шаҗнд шүтдг орн-нутгудын орлцлһтаһар ик хург давулхин туст шиидвр һарһгдсн билә. Шидр Йонтен-гелң Гешен цол зүүһәд Энткгәс ирсмн. Сүл цагт шар шаҗна номар олн-әмтн соньмсдг болв. Энүнәс иштә Хальмгт шар шаҗна шишлң сурһаль секхәр зуралгдҗана. Тер мет Шаҗн-Лам Тензин Чойдакт болн Бурхн Багшин Алтн сүмин һардврт эн туст хальмг кел орулҗаснд Бату Сергеевич ик ханлтан өргв.
(полную версию статьи можно посмотреть в бумажной версии выпуска № 134 (18973) 12 декабря 2023 года, ВТОРНИК)

КАРСАНА Евгения, ДООҖАН Наталья

Видео