Чадмг һардачин күцәмҗ

12-12-2023, 09:39 | Общество

Кишгтә күн гисн кемб гиҗ сурхла, олн хәрү өгч болхмн. Кен-негнь олзта, бәәхтә җирһлән кишгтә гиҗ тоолна, наадкнь олн үртә болсндан бийән хөвтә күүнд тоолна. Элст балһснд бәәдг Натыра Артур бат уңг-тохмарн бахмҗ кеҗ, залу-зөрмг болн төрскнч седклтә өвкнрәсн үлгүр авч, теднә нердиг өөдән бәрҗ йовхар зүткнә. Эднә уңг-тохм өсәд-өргҗәд, өвкнриннь авъясар бәәсәрн байн, суусарн өнр болҗ, нег-негән дөңнҗ, ниитә бәәдг төләд Артур Арашевич бийән хөвтә күүнд тоолна. Эн арвн тавн җилдән «Целинн медәтнрин болн гемтә-шалтгта улсин геринтернат» гидг социальн бүрдәциг чадмг кевәр толһалҗана, авальтаһан дөчн шаху җилдән ниитә бәәнә, хойр үртә болн һурвн ач-зеетә аав болна.

ӨВКНРИН ГЕРӘСН


Целинн района Баһ Чонса әәмгә Натыровихнә уңг-тохм нег һазра әмтн дунд зөрмг, күндтә, тоомсрта болн ачта улст тоолгдна. Ахнр Натыра Канур болн Лиҗ Төрскән харсгч Алдр дәәнә һалд залу-зөрмгән үзүлҗ, баатр кевәр дәәлдҗ, тууврин болн ГУЛАГ-ин зовлң үзсмн.
(полную версию статьи можно посмотреть в бумажной версии выпуска № 134 (18973) 12 декабря 2023 года, ВТОРНИК)

ДООҖАН Наталья
ЗУРГТ: Натыровихнә өрк-бүл

Видео