Хальмг Таңһчин Өдр байрта-бахта болв

14-12-2023, 09:10 | Общество

Урҗ өдр Москван ВДНХ-д давҗадг «Әрәсә» нарт-делкән һәәхүлин йовудт Хальмг Таңһчд нерәдсн Өдр болв. Өдрин туршарт һәәхүлин гиичнр мана өвкнрин авг-бәрцлә, сойлла, тууҗла таньлдҗ болн эднд өдгә цагин күцәмҗин тускар меддг арһ учрв.

Чинртә керг-үүлдврт Хальмг Таңһчин Толһач Хаска Бату, Улсин Хуралын (Парламентин) Ахлач Артем Михайлов, Залврин Ахлач Босхмҗин Гилән, таңһчин министерствсин, райодын болн Элстин кесг бүрдәцсин элчнр орлцв.
Хальмг Таңһчин Өдриг Хаска Бату секв. Хамгин түрүнд Бату Сергеевич бар сарин 12-т темдглгдсн Әрәсән һол Закана өдрлә олн-әмтиг йөрәв. Тер мет мана региона Өдр мел Конституцин сән өдрлә ирлцснь темдгтә гиҗ келв.
Үкр сарин 4-әс авн экләд көдлҗәдг һәәхүл орн-нутгин олн-әмтн дунд тааслт олв, нег үлү мана таңһчин экспозиц Әрәсән арвн сән гисн тоод орснь мадна төлә бахмҗта болҗахнь лавта. Энүнәс иштә Хальмгин ке-сәәхн һәәхүлиг бүрдәсн улст Хаска Бату ик ханлтан өргв.
(полную версию статьи можно посмотреть в бумажной версии выпуска № 135 (18974) 14 декабря 2023 года, ЧЕТВЕРГ)

КАРСАНА Евгения
Зургт: Хальмг Таңһчин һәәхүл

Видео