Приютна районд одв

14-12-2023, 09:15 | Общество

Хальмг Таңһчин Улсин Хуралын (Парламентин) Ахлачин дарук Нуура Николай көдлмшин кергәр Приютна районд одв. Тенд вице-спикер района төв селәнә әмтнлә харһад, зака үүдәгч халхар күцәгдҗәдг көдлмшин тускар келҗ, бәәрн улсиг соньмсулҗах төрмүдәр цәәлһвр өгв.

Тер өдрин бийднь Нуура Николай Приютна района муниципальн бүрдәцин толһач Манҗика Басанла хамдан «Агроресурс» ООО-д одв. Тенд компаня күцәгч һардач Лиҗика Владимир гиичнрт углҗ тәвгдсн кергсл үзүләд, һуйрин болн махна зүүтә хот-хол кеҗ һарһлһна йовудла болн эдл-ахун көдләчнрин төлә бүрдәгдсн таалла таньлдулв. Эн җил Хальмг Таңһчин делгрлтин саңгин дөңгәр компань махна болн һуйрин зүүтә хот кедг хойр цех секв. Эднә эдл-уушиг Элстд болн Сарпулин крайин Дивное селәнд әмтн таасҗ хулдҗ авна. Келхд, Роспотребнадзорин үнллһәр эднә эдлууш таңһчд чинрәрн сән гиҗ тоолгдна.
(полную версию статьи можно посмотреть в бумажной версии выпуска № 135 (18974) 14 декабря 2023 года, ЧЕТВЕРГ)

БАТАН Сәәхлә
ЗУРГТ: вице-спикер Нуура Николай «Агроресурс» ООО-н күцәгч һардач Лиҗика Владимирла күүндҗәх кем

Видео