Цергч болһнд – онц килмҗ

14-12-2023, 09:25 | Общество

Төрскнә Баатрмудын сән Өдрлә Элстд «Төрскән харсачнр» гидг шаңһа саңгин региональн әңгд шишлң цергә керг-үүлдврт орлцачнрин өрк-бүлмүдлә харһлт болв. Терүнд Хальмг Таңһчин Улсин Хуралын (Парламентин) Ахлач Артем Михайлов, таңһчин залврин Ахлач Босхмҗин Гилән, таңһчин Толһачин һардврин ахлачин үүл дааҗадг Кирилл Попов, вице-премьер– таңһчин социальн делгрлтин, күч-көлснә болн көдлмшәр тетклһнә министр Өлзәтин Марина, таңһчин цергә комиссар Сарңга Андрей, әмнәсн хаһцсн Төрскән харсачнрин өрк-бүлмүдин олна ниицәнә ахлач Очр-Һәрән Валентина орлцв.

Саңгин әңгин һардач, таңһчин Улсин Хуралын депутат Хаалһин Очр гиичнриг тосад, 18 социальн зүүцүләч сурһуль сурад, шишлң цергә керг-үүлдврт орлцачнрт болн теднә өрк-бүлмүдт дөң күргҗәнә гив. Әмнәсн хаһцсн цергчнрин эк-эцкнр Овлыка Светлана болн Церн, Ботика Рената, белвсн Эрднин Ирина, Бадмин Байрта болн Лиҗин Баир, шишлң цергә керг-үүлдврт ода орлцҗадг цергчин эк Увшан Надежда харһлтд ирв. Үр-иньгин таалд цергчнриг болн теднә өрк-бүлмүдиг дөңнлһнә керг-үүлдврмүдин туск күүндвр болв. Әмнәсн хаһцсн цергчнрин санл мөңкрүллһнә, дорас өсч йовх баһчудт төрскнч сурһмҗ өглһнә, цергчнриг көдлмшәр тетклһнә, шарх-шав авсн улсин эрүлменд батруллһна, эднд психологическ дөң күрглһнә, реабилитацин керг-үүлдврмүд бүрдәлһнә, эмәр болн шишлң эв-арһсар тетклһнә болн нань чигн төрмүд босхгдв. Таңһчин йосн, олна бүрдәцс цергчнрт болн эднә өрк-бүлмүдт ямаран дөң күргдгин тускар харһлтд орлцачнрт келҗ өгв.
(полную версию статьи можно посмотреть в бумажной версии выпуска № 135 (18974) 14 декабря 2023 года, ЧЕТВЕРГ)

ДООҖАН Наталья
ЗУРГТ: харһлтын кем

Видео