Хальмг келн – мана келн

16-12-2023, 11:30 | Общество

Хальмг Таңһчин һоллгч келн – мана өвкнрин төрскн хальмг келн болҗана гиҗ 1991 җилин туула сарин 30-д түрүн болҗ зарлгдла. Тиим кевәр шаңһа хойр һоллгч – орс болн хальмг келнә туск тогтавр батлгдсмн.

Тер болн нань чигн закаһар түшг кеҗ Хальмг Таңһчд 1993 җилд Әрәсән президентин көтлврлә ирлцүлҗ Хальмг Таңһчин Толһачин болн залврин зәрлгүд болн шиидврмүд батлҗ авгдла, энүгәр омг авч хальмг келн болн сойл делгрлә.
Тер кемд келн-улсин сурһуль-эрдмин халх чигн шин зокалар тогтагдла, түүнә 30 җилин өөниг таңһчд шидр темдглв. Эн төрәр тодрха күүндвр кеҗ эврә ухан-тоолвран маднд таңһчин сурһуль-эрдмин болн номин министерствин әңгин һардач Увшин Зоя медүлв. Келн-улсин халхиг батрулхин төлә Хальмг Таңһчин Толһачин Зәрлгүд барлгдла, тер тоод «Хальмг кел цааранднь босхлһна болн делгрүллһнә керг-үүлдврин тускар», «Җаңһр» дуулвриг дасч авлһна кергиг таңһчин халхас дөңнлһнә туск» болн нань чигн зәрлгүд батлгдла.
(полную версию статьи можно посмотреть в бумажной версии выпуска № 136 (18975) 16 декабря 2023 года, СУББОТА)

ТҮРВӘН Һуна
Зургт: Кичгә Төлән нертә Хальмг келн-улсин гимназин багш Довуркан Кару, Әрәсән ачта багш Өлзән Софья, сурһуль-эрдмин болн номин министр Әңгрә Булһн

Видео