Бурхдтан зальврҗ әмд үлдсмн

16-12-2023, 11:35 | Общество

Хальмг улс дунд цааҗла харһад, төрскн һазрасн эс туугдсн өрк-бүл уга. Арвн һурвн җилә тууврин зовлң дааҗ һарсн хальмгуд тер һашута цагиг тодлҗ, күүнә һазрт мөңкинд үлдсн элгн-садан тодлҗ бар сарин 28-д зулан өргнә. Элст балһснд бәәдг Ванькин Надежда эн өдр бас гертән зулан өргҗ, аав-ээҗнриннь, эк-эцкиннь болн элгн-саднаннь санл тевчҗ, зандн цәәһән чанҗ теднә тодлврмудыг ухандан сергәнә.

Бийнь Надежда Лиджиевна Сиврт Түмнә мүҗин Амутинск района 2-ч тойгта фермд 1955 җилд һарсмн. Хальмг улсин нер цеврләд, төрскн һазрурн хәрх зөв өгхлә, бичкн Надя күүкн хө мөстә бәәсмн, тегәд эн Сиврт бәәсн цагиг тодлхш. Тууврт бәәсн хальмгуд ямаран күчр зовлң үзсиг эн ээҗиннь болн эк-эцкиннь тодлврмудас меднә. Хальмгудыг цааҗла харһулсн цагт эцкнь арвн һурвта, экнь болхла арвта бәәсмн. Эцкнь Ванькин Лиҗ Яшкулин района Чилгр селәнәс, экнь Бембин Җигуш (орс нернь Лида) Әәдрхнә мүҗин Черный Яр селәнәс нүүлһгдсмн.
(полную версию статьи можно посмотреть в бумажной версии выпуска № 136 (18975) 16 декабря 2023 года, СУББОТА)

ДООҖАН Наталья

Видео