Чинртә төрмүдәр иләр күүндв

21-12-2023, 09:20 | Общество

Бар сарин 14-д Әрәсән Президент Владимир Путин «шуд залһлдана» йовудт седкүлчнрин болн орн-нутгин улсин сурврмудт хәрү өгч, дөрвн үлү частан ил күүндврт чинртә төрмүдәр ухан-тоолврарн хувалцв. Орн-нутгин социальнэкономическ делгрлтин, шишлң цергә керг-үүлдврт орлцачнриг болн теднә өрк-бүлмүдиг дөңнлһнә, әмтнә олз-ору икдүллһнә болн нань чигн төрмүд күүндврин йовудт босхгдв. Таңһчин зака үүдәгч болн күцәгч йосна һардачнр «шуд залһлдана» туск ухан-тоолврарн хувалцҗ, мана таңһчд күцәгдҗәдг керг-үүлдврмүдин тускар келҗ өгчәнә.

Артем МИХАЙЛОВ, Хальмг Таңһчин Улсин Хуралын (Парламентин) Ахлач:
- Әрәсән Президентлә болсн күүндвриг оньган өгч соңсад, ямаран төрмүд босхгдсиг тодлҗ авув. Орн-нутгин толһач үнн кевәр сурвр болһнд хәрү өгч, илднь цугинь келв, тегәд күн болһн соньмсулҗадг төрәр тодрха цәәлһвр авв. Әрәсән залвр Иҗл һол хадһллһна керг-үүлдвриг цааранднь күцәхин, пенсионермуд гер-бүүрин-коммунальн туслмҗин мөңг өгсн цагт эднәс немр мөңг авшгон, көдлмш уга улсин то баһрҗахин тускар келснь чинртә болв. Тер мет мана орн-нутгин экономик делгрҗәхин, ВВП-н кемҗән өөдлснә, әмтнә җалв өөдлүллһнә, СВО-д орлцачнрт социальн дөң күрглһнә керг-үүлдврмүдин туск төрмүд бас олн-әмтнә оньг авлв. Мана орн-нутг иргн болһна тускар ухалад, медәтнрин болн олн үртә өрк-бүлмүдин, цергчнрин, эрүл-менд харлһна көдләчнрин социальн теткврин болн ору икдүллһнә көдлмшиг дигтә-даратаһар күцәҗәхиг бидн Владимир Путина үгәс медвидн.
(полную версию статьи можно посмотреть в бумажной версии выпуска № 139-140 (18978-18979) 21 декабря 2023 года, ЧЕТВЕРГ)

Барт белдснь ДАВАН Наталья болн ТҮРВӘН Һуна

Видео