Көдлмшин ашинь диглв

26-12-2023, 12:05 | Общество

Шидр Хальмг Таңһчин Толһач Хаска Батун һардврт заһс аңнлһна халхар меҗән төрин Хүүвин селвлцән болв. Тенд җилин аш диглгдв.

2023 җилин йовудт олн зүсн төрмүд хаһлгдв. Тедн дунд селәнә эдл-ахун кооперативст материальн-техническ ул батрулхин төлә мөрә өгдг болв, кермс йовдг цувгиг улм гүүдүлхин төлә шишлң көдлмш күцәгдҗәнә, тер мет орн-нутгин меҗә харлһнд эврә дурар орлцҗадг улст социальн дөңнлһнә эв-арһс йилһгддг болв.
Терүнәс нань таңһчин ФСБ-н меҗә харлһна Заллтын ончрсн арвн көдләч темдглгдв. Меҗә харулчнр төрскн һазран харсч, цергә шишлң керг-үүлдврт орлцҗана. Тедн дорас өсч йовх баһчудт үлгүр болҗ йовна. Баһчуд ниигмин үлмәд орна, энүнәс иштә терроризмәс болн экстремизмәс эдниг бас гетлүлх кергтә. Эн төрмүд шишлң комиссин селвлцәнд бас хаһлгдв. Шин җилин байрин өдрмүдт әәмшг уга бәәдл тогталһнд бас онц оньг өггдхмн. Социальн объектс онц бүрткгдхмн.
– Ирх җилд эн көдлмш цаарандан күцәгдхмн. Ирлцңгү бүрдәцст көдлдг улст ханлтан өргҗәнәв, гиҗ Хаска Бату товчлв.

ОЛЬДАН Цаһан

Видео