Мөңкинд мана санлд хадһлгдх

26-12-2023, 12:10 | Общество

Найн җил хооран 1943 җилин үвл йир киитн бәәсмн, Хальмг Таңһчин әмтн диилврин төлә көдлҗәлә, саяд арслңга танкин колоннмуд, самолетын эскадриль фронтд йовулхин төлә мөңгән цуглулҗасмн. Хальмг һазрин салдсмуд цуг фронтс әмән әрвллго дәәлдҗәсмн.

Болв өрүн эрт бар сарин 28-д цуг селәдәр болн Элстин гермүдәр буута салдсмуд орҗ ирәд Деед Советин Президиумин зәрлг умшҗ өгәд тадниг цугтаһитн хол Сиврүр нүүлһҗәнә, шулуһар хувцхунран цуглулад һаза һартн, тенд тадниг көлгн күләҗәнә гиҗ заквр өгәд бәәв.
Советин Союзин йосна, түүнә һардач Сталинә политикин шиидвр тиим бәәсмн. Кен гемтәв, кен зөвтәв гиҗ сурлго герт үлдсн көгшдиг, бичкн күүкдиг, күүкд улсиг цугтаһинь машинд суулһад төмр хаалһд күргсмн. Кен тедниг гемшәсмб, кен мөшклһ кеҗәсмб гиҗ Советин Союзин Деед Советин Зәрлгт нег чигн үг уга бәәсмн. Ода чигн зәрм әмтн хальмгудыг болн талдан чигн келн-улсиг гемшәхәр седнә, болв теднә худл-ховиг күн соңсшго.
(полную версию статьи можно посмотреть в бумажной версии выпуска № 142 (18981) 26 декабря 2023 года, ВТОРНИК)

ТҮРВӘН Һуна

Видео