Залата махлата ээҗм

26-12-2023, 12:20 | Общество

Эн өдрмүдт цуг хальмг улс Сиврин һазрт тууврт бәәсн һашута арвн һурвн җилиг тодлҗ, тенд мөңкинд үлдсн элгн-саднаннь санл тевчнә. Залу улс дәәнә һалд хортнла залу-зөрмг кевәр дәәлдҗ йовсн цагт арднь үлдсн медәтнриг, күүкд улсиг болн бичкдүдиг төрскн һазраснь күчәр туув.

Мини ээҗ Болдан Күүкә Эрктнә улусин Цекрт хотнд 1901 җилд һарсмн. 1943 жилин бар сарин 28-д хальмг улсиг тууврт йовулхла эн бичкн күүктәһән Улан Хол селәнәс нүүлһгдсмн. Машиһәр эдниг авч һарчадг болхла, дарунь хәрү хәрҗ ирхвидн гиҗ санад, ээҗм гертәсн дулан хувцн, хот-хол угаһар йовсмн, зуг чигә шилд кеҗ авсн бәәҗ. Арвн һурвн өдртән хол хаалһд тер чигәһән ууһад, өөрән йовх улсла терүгәрн хувалцад ээҗм Сиврт күрв. Гертәсн авч һарсн чигән хальмгудт эм болн аршан болад, гемтсн улсиг эдгәҗ чидл өгдг бәәҗ. Келхд, хамдан нег вагонд йовсн улс зогсалмудт үсн олдхла, тер чигәнд немдг бәәсмн. Сиврт тер чигәһән авч ирәд, фронтас буулһгдҗ Широковск ГЭС-ин тосхлтд орлцсн салдсмудт чигн бас өгч йовсмн.
(полную версию статьи можно посмотреть в бумажной версии выпуска № 142 (18981) 26 декабря 2023 года, ВТОРНИК)

ЛАНЦИНӘ Татьяна
ЗУРГТ: Болдан Күүкә

Видео