Нилх болһнд – белг

26-12-2023, 12:30 | Общество

Хальмг Таңһчин Толһач Хаска Батун зәрлгәс иштә эн җиләс авн мана таңһчд бүрдәгдсн «Нилхин белг» гидг керг-үүлдврин медлд нилх болһнд белг бәрүлҗ өггднә. Нидн намрар Экин Өдрт нерәдгдсн байрин хургт Бату Сергеевич эн седвәрин тускар зәңглсн билә, тегәд эн җил туула сарин 1-д төрсн нилхд түрүн болҗ Хальмг Таңһчин Толһачин белг авв. Бидн О.Шунгаеван нертә нилхд төрлһнә төвин ах эмч Галина Динкиевала күүндәд, эн җил кедү нилх тиим белг авсна тускар соньмсвидн.

- Эн җилин эклцәс авн 2045 белг бидн бәрүлҗ өгвидн. Бар сар төгсәд уга, тегәд эн өдрмүдт һарсн нилхд бас терүг авхмн. Бар сарин 1-д кесн то-дигәр мана төвд 2224 күүкн-көвүн һарв, теднәс 1141 көвүн болн 1083 күүкн болна, эдн дунд 14 икр нилх бәәнә. Хальмг Таңһчин Толһачин белг авхин төлә нилхин эк эс гиҗ эцк мана таңһчин бәәрн улс болх зөвтә, үрндән төрҗ һарсна иткл цаас энд бичүлҗ авх зөвтә. Темдглхәс, талдан регионмудт сурһуль сурч эс гиҗ көдлҗ йовх мана нег һазра улс нааран ирҗ үрнь энд төрҗ һарсна иткл цааста болх зөвтә гиҗ тоолна. Мана төвд хам-хоша бәәдг регионмудас күүкд улс ирҗ цаһан төр болна, тегәд Хальмгин өрк-бүлмүдт таңһчин Толһачин белг бәрүлҗ өгдг йовдлар тедн бахмҗ кенә, - гиҗ Галина Капитоновна келв.
(полную версию статьи можно посмотреть в бумажной версии выпуска № 142 (18981) 26 декабря 2023 года, ВТОРНИК)

ДООҖАН Наталья
ЗУРГТ: нәәмн үртә Горбатко өрк-бүл икр көвүдтәһән

Видео