«Цаһан мөңгн һацур» - медәтнрт

26-12-2023, 12:35 | Общество

«Негдсн Әрәсә» партин «Ах үйин улс» гидг төсвин медлд мана орн-нутгт «Цаһан мөңгн һацур» гидг буйнч седклин керг-үүлдвр давулгдв. Терүнә йовудт сарин туршарт таңһчин әмтн һанцарн болн стационарн бүрдәцст бәәдг медәтнрин төлә партин олна дөңнлтин Штабд углҗ тәвгдсн яршгудт Шин җилин белгүд цуглулв. Шидр эн кергүүлдвриг Хальмг Таңһчин Улсин Хуралын (Парламентин) депутат Елена Лотник төгсәһәд, цуглулсн белгүдиг медәтнрт түгәҗ өгхмн гиҗ зәңглв.

Таңһчд үүлддг медәтнрин болн гемтә-шалтгта улсин гер-интернатмудт болн гертән һанцарн бәәдг аав-ээҗнрин төлә олн зүсн белг цуглулв. Эн буйнч седклин кергт сурһульчнр, оютнр, таңһчин бүрдәцсин көдләчнр шунмһаһар орлцҗ, медәтнрт килмҗән тусхав.
Городовиковск района әмтнә социальн теткврин төвин һардач Хавляка Любовь Элстүр ирәд, олна дөңнлтин Штабин гешүдлә харһад, Виноградное селәнд бәәршлдг гер-интернатын медәтнрт нерәдсн белгүд авв. Ода гер-интернатд 23 күн бәәнә. Эднд Шин җилин өмн өргнд дулан көнҗл, дер, нань чигн кергтә эд-тавр белглхмн.
(полную версию статьи можно посмотреть в бумажной версии выпуска № 142 (18981) 26 декабря 2023 года, ВТОРНИК)

БАТАН Сәәхлә

Видео