ЦАҺАН ӨДР ХАРҢҺУ СӨӨД ХҮВРСН ЦАГ

26-12-2023, 12:45 | Общество

Найн җил хооран деед йосна закврар хальмгудыг ик-баһ уга төрскн һазраснь тууҗ нүүлһсмн. Эн өдрмүдт бичәч Цернә Василий тер зовлңта җилмүдин тускар ухантоолврарн маднла хувалцв.

- Василий Зулкаевич, дөчн һурвдгч җилин бар сарин хөрн нәәмнд хальмгудыг хар гөрәр төрскн һазраснь нүүлһәд туусмн. Тер цагас авн найн җил болҗана. Тер өдрин тускар та ю саннат?
- Агчмд тоолад санит. Өрүн эрт, нарн һарад уга цаг. Та күүкд-көвүдтәһән дулан орндан унтҗ кевтнәт. Генткн герин үүд харҗңулҗ цокад, цергин хувцта, бууһан һартан атхсн улс герт орҗ ирәд, чаңһ дууһар: «тадниг, хальмгудиг, деед йосна шшидврәр талдан һазрт нүүлһҗәнә, шулун хувц-хунран өмсәд, хош-хораһан диглҗ авад, гертәсн һартн», - гиҗәнә.
Иим үг соңсад, та юу санхвт? Тана герин эзн, ууһн көвүдтн эс гиҗ ахнр-дүүнртн цусан асхҗ немшлә дәәлдҗ йовна. Та эврән Диилврин өдр өөрдүлҗ, олна көдлмшт гүҗрҗ көдлҗ йовнат. Зуг эн чинр иктә учриг төртән авл уга, таниг төрскн һазрастн салһад, гертәстн көөҗ һарһад, алҗ авхар шиидсн мал кевтә, зер-зевтә улс бүслҗ авад тууһад һарчана. Намхндан бәәсн улсиг һал цаһан өдрәр толһаннь ораһар теңгр цоксн әдл болв.
(полную версию статьи можно посмотреть в бумажной версии выпуска № 142 (18981) 26 декабря 2023 года, ВТОРНИК)

Күүндснь Роза ГРИЦКОВА

Видео