Алтн болсн тавн үрнь...

29-12-2023, 12:41 | Общество

Цаһан Амн селәнд бәәдг Баатыр болн Екатерина Боктаевихнә өрк-бүлд өрүн эртәс авн шуугата болна. Һурвн ууһн үрнь сурһульдан һарч йовна, хойр бичкн көвүднь бичкдүдин садт адһна. Үдин хөөн болхла эдн көгҗмин сурһульд болн спортивн секцд одна. Асхнднь болхла эдн цуһар гертән цуглрҗ, өдр ямаран болсна тускар хувалцҗ, ямаран күцәмҗ бәрснә тускар келҗ, герин даалһвран кенә. Амрлһна өдрмүдт болхла эдн хамдан цаган сергмҗтәһәр давулна.

Баатыр болн Екатерина арвн дөрвн җил хооран өрк-бүлән өндәлһәд, эн җилмүдин эргцд нег-негнәннь седкл медҗ, ниитә бәәнә. Эдн тавн үрндән сән сурһмҗ өгч, өвкнриннь авъяс-заңшал хадһлҗ, чик авг-бәрцәр бәәнә. Шин җилд эднә өрк-бүлд дәкәд нег үрн төрҗ һархмн, тегәд эн байрта йовдлыг цуһар күләҗәнә. Өнр-өсклң өрк-бүл олна хормад багтҗ бәәнә, баахн эк-эцк хойр үрдтән дуран өгч, килмҗән тусхаҗ өскнә.
(полную версию статьи можно посмотреть в бумажной версии выпуска № 143 (18982) 29 декабря 2023 года, ПЯТНИЦА)

ДООҖАН Наталья
ЗУРГТ: өнр-өсклң Боктаевихнә өрк-бүл

Видео