Ке-сәәхнь хувцнь зокмҗта болна

29-12-2023, 12:46 | Общество

Көтчнр селәнд бәәдг Чурюма Байр бәәрн улс дунд һартан эвтә, ке-сәәхн хувц уйдг урч гиҗ тоолгдна. Энүнә уйсн хувциг района сурһуль-эрдмин болн сойлын бүрдәцсин элчнр өмсҗ, билг-эрдмәрн ик холд нер һарна. Одахн Москва балһснд «Әрәсә» гидг һәәхүлд Хальмг Таңһчин Өдрин байрт өркән өндәлһсн Эркин болн Санл Найминовихн бас Байр Анатольевнан уйсн хальмг хувц өмсҗ кеерсмн.

Энүнә ээҗнь Татьяна Бадминовна болн экнь Клавдия Лиджиевна һартан өөтә, бәрсән кедг билгтә күүкд улс бәәсмн. Күүкн бичкнәсн авн ээҗән болн экән дахад үүл бәрдг бәәсмн, тер төләд эн эн технологин багшин эрдм дасад, Көтчнрә гимназьд күч-көлснә хаалһан эклсн болдг. Мингиян көвүнь бичкдүдин садт ордг цагтнь баахн эк түрүн болҗ хальмг хувц бийнь уйсмн. Хальмг ик сурһульд сурчасн цагтан Чурюма Байр хальмг хувцна тууҗар соньмсад, шинҗллтин көдлмш күцәһәд, эн төрәр шишлң төсв белдв. Хальмг хувцна тууҗар эн эндр өдр күртл соньмсҗ, келн-улсин хувцна нәәрт, наадмд орлцҗ, хатхмр хатхдг болн хувц уйдг урчнрла болдг харһлтст орлцна.
(полную версию статьи можно посмотреть в бумажной версии выпуска № 143 (18982) 29 декабря 2023 года, ПЯТНИЦА)

БАТАН Сәәхлә

Видео