Лиҗин Мингияна санлынь тевчв

11-01-2024, 09:15 | Общество

Шидр Элстд Баатрмудын Аллейд ВДВ-н гвардейск нисәчнрин онц 83-ч багин тавдгч ротын командир, гвардин капитан, Әрәсән Баатр Лиҗин Мингияна һарсн өдрт нерәдсн митинг болв. Мингиян Владимирович Украинә һазрт цергә шишлң керг-үүлдврт орлцад, туурмҗарн ончрҗ әмнәсн хаһцв. Әрәсән Президентин зәрлгәс иштә Лиҗин Мингиянд Әрәсән Баатрин өөдән нерн зүүлһгдсн болдг.

Туула сарин 8-д эн 33 насан зүүхмн билә. Хальмг Таңһчин Толһачин болн Элст балһсна һардврин элчнр, юнармейцнр, «Движение Первых» җисәнә, «Воин» төвин болн таңһчин баһчудын олна бүрдәцсин элчнр Әрәсән Баатрин санлынь тевчхәр цуглрв.
Баһчудын кергүдин Агентствин һардач Камиль Маркеевин келсәр, Лиҗин Мингиян нег һазра улсин санлд мөңкинд үлдв. Төрскнәннь төлә әмән әрвллго туурмҗта йовдларн эн ончрв.
(полную версию статьи можно посмотреть в бумажной версии выпуска № 1 (18983) 11 января 2024 года, ЧЕТВЕРГ)

БАДМИН Занда

Видео