Сиврт мөңкинд үлдсн хальмгудын санлд…

11-01-2024, 09:20 | Общество

Давсн җилин чилгчәр, бар сарин 28-д, Элстд хальмг келн-улс хар гөрәр киитн Сиврүр туугдсна 80 җилд нерәдсн санлын митинг болсмн.

Өрүн эрт Бурхн Багшин Алтн сүмд мөргүл болв. Хурлын ламнр Сиврт үлдсн хальмгудын санлынь тевчҗ ном умшв. Мөргүлд Хальмг Таңһчин Толһач Хаска Бату, Залврин Ахлач Босхмҗин Гилән болн нань элчнр орлцв. Таңһчин төв хурлд олн-әмтн хурв.
Балһсна дорд үзгт «Буйслһн болн босхмҗ» бумблвин өөр санлын митинг болв. Хальмг Таңһчин, Элст балһсна һардвр, таңһчин министерствсин, ведомствсин, зөв-йос харлһна болн талдан бүрдәцсин элчнр санлын керг-үүлдврт орлцв.
«Җаңһр» таңһчин наадһасин театрин артистнр «Взгляд несломленных» наадна тасрха үзүлҗ керг-үүлдвриг эклв. А.Цебековин нертә хор «Нүүдлә» ду дуулҗ олнд соңсхв.
(полную версию статьи можно посмотреть в бумажной версии выпуска № 1 (18983) 11 января 2024 года, ЧЕТВЕРГ)

КАРСАНА Евгения

Видео