Һашута тууҗиг мартх зөв угавидн

11-01-2024, 09:35 | Общество

Давсн җилин бар сарин 28-д хальмг олн улсиг күчәр нүүлһснәс авн дигтә 80 җил болв. Энүнд нерәдҗ Хальмг ик сурһульд Келн-улсин номиндамшлтын хург давв. «Олн улсин санл цагин җисәнәс күчтә» гиҗ нерәдгдсн хургт таңһчин зака тогтагч болн күцәгч йосна элчнр, Хальмг ик сурһулин багшнр болн оютнр, таңһчин сурһульмудын тууҗин багшнр, РАН-а Хальмг номин төвин көдләчнр орлцв.

Хальмг ик сурһулин медлд «Йосна цааҗла харһсн келн-улсин Әрәсән номин төв» үүлдҗәнә. Энүг нертә номт, тууҗин номин доктор, профессор Владимир Убушаев һардҗана. Владимир Убушаевин бичсн «Калмыки: выселение и возвращение» гидг дегтр кесг келнд орчулгдла.
«Владимир Бадахаевичин дегтриг, түүнә өмн номтын бичсн монографиг олн тооһар барлад, цугтан умшчала, тер тоод оютнр оньган өгч олнд медүләд уга олн тоотла таньлдҗала, талдан һазрур поштар йовулҗала. Медәтнр эн дегтриг умшчаһад уульдг бәәсмн. Яһад гихлә урднь тууврин тускар иләр келҗәсмн уга. Тиим кевәр эн төрәр, цуг халхин шинҗллт келә, олнд өргнәр медүллә, бидн, баһчуд, йосн хүврсн 1990-ч җилмүдт эн төрәр түрүн болҗ тоолврарн хувалцҗалавидн, зүткәтә күүндвр кеҗәләвидн. Хальмг олн улсиг төрскн һазраснь күчәр нүүлһхин төлә аврлт уга нуувчин керг-үүлдвр күцәсмн»,– гиҗ Элст балһсна һардврин толһачин дарук Дмитрий Довгополов келв.
(полную версию статьи можно посмотреть в бумажной версии выпуска № 1 (18983) 11 января 2024 года, ЧЕТВЕРГ)

ҖААХАН Бадм

Видео