Санкт-Петербург балһснд ончрв

11-01-2024, 09:50 | Общество

Санкт-Петербург балһсна Дворцовая талвңд өдгә цага медиа билг-эрдмин Цугәрәсән марһана ашлгч девсңгнь болв. «Страна СВЕТА» гидг эн марһан мана орн-нутгт хойрдад давҗана. Эн марһанд Хальмг Таңһчин нерн деерәс оютнр Даниил Нимгиров болн Екатерина Ильина орлцв. Эдн марһанд хойрдгч орм эзлв.

Бурять Республикин «УланУдэ» нертә баг марһанд диилвр бәрәд, нег сай арслң шүүҗ авв. «Ехор: ритм народа» – гиҗ теднә көтлвр нерәдгдв. Ут тоодан ашлгч девсңд арвн баг йилһҗ авгдсмн. Крымин, Хальмгин, Бурятин, Алтай Республикин, Вологодск, Мурманск, Омск, Московск мүҗсин, Северодвинск болн Воронеж балһсдын багмуд марһанд орлцв. Марһана жюри орн-нутгин 36 регионас 98 презентац шалһҗ шинҗлв.
Марһана ашлгч девсң бар сарин 9 - 10-д болв. Мультимедийн һәәхмҗтә наадн болҗ тер сәәхн үүлдвр күцәгдв. Эврәннь һазрин тускар 120 секундын эргцд үзүлх кергтә бәәсмн. «Бичкн төрскм – мини күчн» гисн төрәр көдлмшән белдҗ үзүлхәр хальмг көвүн Даниил Нимгиров шунсмн.
(полную версию статьи можно посмотреть в бумажной версии выпуска № 1 (18983) 11 января 2024 года, ЧЕТВЕРГ)

ХӨӨЧИН Галина

Видео