Прокуратурин көдләчнриг йөрәв

16-01-2024, 12:00 | Общество

Шидр Хальмг Таңһчин Толһач Хаска Бату прокуратурин көдләчнрин сән Өдрт нерәдсн хургт орлцв.

Эндр прокуратур көдлмшән сәәнәр меддг болн даавртаһар күцәдг коллектив болна. Галзан Манкировин, Тавшка Самохинә, Владимир Шипиевин болн талдан улсин нерд таңһчин прокуратурин тууҗд орв. Ветеранмудт ханлтан өргҗ, өдгә цагин көдләчнр эднәс үлгүр авч, кергән даавртаһар күцәҗәнә, гиҗ Хаска Бату келв.
Тер мет прокуратурин көдләчнрин сән Өдр угтҗ, Троицкое селәнд бат ясврин хөөн Целинн района прокуратурин гер байрин бәәдлд секгдв. Өдгә цагин некврлә ирлцҗәдг бат ясврта герт көдлхд амр, гиҗ Бату Сергеевич темдглв.
Хургин йовудт ветеранмудыг болн ончрсн көдләчнриг Күндллһнә темдгүдәр ачлҗ сән Өдрләнь йөрәҗ, Хаска Бату цугтаднь цаһан хаалһ дурдв.

ОЛЬДАН Цаһан

Видео