Москвад селвгчнрин нәр болв

18-01-2024, 12:15 | Общество

Һарсн җилин бар сарин дундурар Москван педагогическ ик сурһулин ул деер «Селвгчнрин нәр» нертә ке-сәәхн кергүүлдвр болв. Әрәсән 89 регионас болн Казахстана Байконур балһснас ут тоодан 180 күн энүнд орлцв. Тер мет Әрәсән ханьд орсн ЛНР-ин, ДНР-ин, Запорожск болн Херсонск мүҗсин элчнр бас иигәрән ирсмн.

Тодлхас, һаха сарин 1-әс авн Әрәсән гегән-герлин министерствин седвәрәр орн-нутгин дунд сурһульмудт һардачин селвгч гидг шин мергҗлт экләд үүлдв.
Хальмг Таңһчас Элстин олн салврта гимназин болн 12-ч тойгта дунд сурһулин һардачнрин селвгчнр Бадм Бельтеев болн Виктория Федельская чинртә эн керг-үүлдврт орлцв. Шидр мана зәңгч эднлә харһҗ күүндв.
Селвгчнрин нәр угтҗ, хамгин түрүнд МПГУ-н ул деер олн зүсн талвңгуд көдлв. Тенд кесг мастер-класс, лекцс, соньн харһлтс бүрдәгдсмн. Терүнәс нань нәәрт орлцхин төлә белдврин ик көдлмш күцәгдв. Орлцач болһн эртәснь нәәрт өмсх хувц-хунрин зурган керг-үүлдврин бүрдәһәчнрт илгәх зөвтә бәәсмн. Темдглхд, эн хувцн регион болһна өвәрц темдгтә болх зөвтә бәәсмн. Бадм Басановичин келсәр, таңһчин сойлын болн зуульчллһна министерств энүнд 1812 җилин дәәчин хувц йилһҗ өгв. Өрчдән болхла бадм цецгин бичкн темдг зүүсн бәәҗ.
(полную версию статьи можно посмотреть в бумажной версии выпуска № 4 (18986) 18 января 2024 года, ЧЕТВЕРГ)

КАРСАНА Евгения

Видео